Kommuni territorinelli hakk ta administrativo enheti gla lokali soluskerrande. Manischen an jeck kommuni kammar ninna hilprepha attjer kommuni-hortephaerna te an demokratisko formi kerra gla siro voltrephan. Kommunierna kammar taso uschalipha te hekokerra kutti attjer barothemmets hortepha-randrade kerranden. Kettanes an jeck kommuni aschar dova savo aschar manischrandrad doj, kammar beschade-them ir aschar texeradi to kommuni-lover doj.
Montiske lav
- Kommuni
- Barothemm
- Vinatta
- Sassarkurko
- Butjo-divus usto
- Vinatta
- Porr
- Laveske-mengrepa (ordbehandling)
- Expedition
- Alfabet
- Jibb
- Lil
januari 2012
Barothemm
nacht ascha jick geografiske hakk, jick themm. Dolle nacht taso ascha jick themms manisch ninna sor (regeringen) ta beddoskemanisch. Karna manisch racklar baschi barotemmen dynkrar dova butti pre dova manisch ninna sor, beddoskemanischens kerrnaden.
december 2011
Vinatta
Vinatta aschar jeck kurkotjiro ninna butti puro anori savo chelepha an brastet attjer decembero. Vinatta kammar palli prammissepha chelepha attjer ovaroa kausali ta dojto dynkras ninna ovaroa sederi. An jeck västerthemmsko kristeni kontexti chelepha vinattan to dinsterpha attjer Jesu benfad. Bolleskoe divusen aschar jeck kerrande attjer pattjano ta sekuläri traditioni ta aschar ovaroa butti an baschi barothemmen, ta butti chelepha andivus vinatta ninna tiknoare, ir nani pattjano kerranden. Dova officiello svedingen bolleskoe divusen aggrar dova 24 decembero (Vinasjtan, belven glaeske Bolleskoe divus) ta attjerbastas dova 13 januario.
november 2011
Sassarkurko
Dolle 1 nevembero aschar dolle sassarkurko- divusen. Kolle kurko savo avar predde 31 oktobero ta 6 novembero pennas sassarokurko-divus ta kurko, fredag belven ta lördagen och kurkon pennas sassaro kurko belven.
Pre sensloare bascht kammat butt ler uppri amerikanski kulturo nerrider sassarkurrko- tjiron. Dolle dynkras buttast bre nuckoar ta aschar an butt savrige savo vorsnos patragigariar. Nuckoarna ler pre isar savo mulani ta vaver ta jar ta mengar gla gullo-bekkar.
oktober 2011
Butjo-divus usto
Butjo-divus usto avar dolle 22 palli 23 septembero. Dolle aschar dolle divus nickli butjon savo solonomen nickli siros baschtiga roddrasipha nerrider ekliptikanin passeri tjeriekvatorn fann norri to södero. Dolle pennas te divus ta belven aschar savrigt duri kava divus, abbo blanschtjiron ta kalotjiron kerrar dolle blansch bekkan attjer divusen aschar durigare jick dolle kallo. Palla butjo-divus usto bliddrar divusarna tiknoare to butjo-solonomensteet avar 21 decembero, karna sass avar topalas.
Vinatta
Vokabulär (fr. vocabulaire 'laveske-shonla', 'laveske-lill', preal latin-rakkrepa. attjer lat. voca´bulum 'lav'; 'nav', attjer vo´co 'kara', 'karas'), dolle vavera lav tjakkes honkar an jekh rakkre pa, tjakkes manusch naschtar rakkra. Savo barot pre vokabulären naschatar nani pennas siggrot, gla "lavet" honkar nani soralot.gla lester tjakkes rakkrar lavet tji honkar lattjot te rakkrat.
maj 2009
Porr
stedo tjakkes hilprar saster-drom, saster-drom, ta panieske-drompreall jekh tjakk. Porrar naschtar ascha vavera tjakkessaster-porrar, dromeske-porr, ja-porr, ta buttider gla kava aschar te kerras ninna.
april 2009
Laveske-mengrepa (ordbehandling)
laveske-mengrepa, te kerra, mengra ta randra avri jekh randreske-lill ninna hashtepa fann jekh dator. Mengrepat naschatr ava fann lillets andreal ta dolles tyopragi ta layout. Ordbehandlare avar fann dolle
redigeringsprogram (texteditorer) tjakkes vorssnos mengrar ninna karna vorssnos randrar ta kerrar tjattjopa ninna datorprogram riggerske lilleske-terminaler tjakkes aschar kettanes jekh baroa-datorer.
redigeringsprogram (texteditorer) tjakkes vorssnos mengrar ninna karna vorssnos randrar ta kerrar tjattjopa ninna datorprogram riggerske lilleske-terminaler tjakkes aschar kettanes jekh baroa-datorer.
mars 2009
Expedition
Expedition, tjattjot-pottot, kerras-tjattjot (avri savo ); hisp dojj savit
kerras-tjattjot ta tjivvras-niklo; (bekk avri) ämbetsverk; (durit) tradrepa
dre vetenskapligt ta kurrepa dynkrepa, attjer savia manusch.
februari 2009
Alfabet
Alfabet (lav-jinn,laveske-jinn) aschar vavera jinn ta lav dojj vavre jinn,vavre ta savi jinneske-lav ster gla jekh basshipa. Lavet "alfabet" avar
glan dova dy vagerste laveske-jinn an dolle grekiska alfabetet, alfa ta beta. Dolle alfabet vorssnos rakkrar karras dova latinska ta avar fann grekiska.
mars 2008
Jibb
Ashar jekh tjattjopaeske tjakk tjakkes sas organismer kammar. Dolle honkar nane nani definition pre biologiskt jibben.
Uppdaterad 6 februari 2012
Ansvarig för sidan: Språkrådet
