Školako plikto si ke hodj e intregi šavora ando Švedo pala o zákono so si site žan andi skola ija berš, butivar kana von si 7-16 beršenge. Ande bute themen si školako plikto, de e studentonge berš variálin.
Šoneski nevi vorba
januari 2012
Sastipesko dikhipe
Anglakado phenipe si po angle kerdo sastipesko dikhipe pe e šavora taj terne de khatar a školako starto ži ká o gimnaziumo. Kado organizálindaspe angluneske pe e gimnaziumura pe e 1800-to beršeske palunimo te avel ánde pe o vakcinationura, sastjáripesko dikhipe, psikosocialicko tanáči (godji dinipe) taj sexo – taj khetáne trajimasko tanáči (godji dinipe). De khatar o 2011 ándej ando sastipesko dikhipe vi e studentongo sastjipe.
december 2011
Butjako žanimaskopapiri
Butjako žanimaskopapiri (kučikeribe), oprelinimasko papiri, iskirimo si so a butjako dinatori del kana o butjári aba či kerel butji. A butjako žanimaskopapiri sikavel ke ketji vráma kerelas butji taj sikavel ke so butjázijas. Ande butjako žanimaskopapiri si vi vorbi sar o butjári inkerdaspe taj kerdas peski butji.
oktober 2011
Butjakodošipesko siguripe
O manuš te kerela došipe andi butji vadj po drom khote vadj khatar i butji atunči šaj denles potjinipo khatar a butjakodošipesko-siguripe. Kodala pe kas si kado siguripe si e butjára, korkori-firmari taj kon studeralin sar butjako sitjimo sar eksempel praktiko.
augusti 2011
Butjako kedipe
Butjako kedipe
A butjako-kedipe si ek khetánutno ánav pe e manušenge-kidimata so si pe e butjaka klasake žéne taj kidel kadalen politicka taj faklicka. A butjako-kedipe avilas pala o industrielno revoluciovo, so kerdas ke kado sas angluneske andi Europa taj apal gélas majdur ke o industrializéringo bárilo.
Gin majdur po på http://sv.wikipedia.org/wiki/Arbetarr%C3%B6relse
Butjaki terapia
E žutorimasko metodi si te žutij e manušen e funkcionálickone-došanca (sar eksempel kana pi godji žal o rat) te resen taj te inkren o majfeder so majbut o funkcionálišo levelo ando privatno trajo taj ande a butjako trajo. O žutori del legitimaticko butjako terapoto.
Gin majdur po http://www.ne.se/kort/arbetsterapi
april 2011
Butjikerimasko arakhimo
Butjikerimasko arakhimo, a butjako-linimasko juridicko arakhimoj si tena phenen les opre anda leski butji. Sigudne zákonura te len po arakhimo a butjake-linimaskireske si ando zákoni (1982:80) pa butjikerimsko arakhimo, LAS, si khata vi pa opre phendimo, anglunimasko-čačimo kana névo oprelinimoj taj ávri šudimoj pa butji.
Gin majdur po http://www.ne.se/lang/anst%C3%A4llningsskydd
mars 2011
Saintregonengo pravo
Sa kazgodes si právo ando Švédo te aven ávri andi natura (numa na pe phuva taj pe mája so varikaskej), te giden frukto taj buráci taj kade maj dur.. Kado práva si sa atunči ek pharipe ke tena keren doš andi natura ekempel tena sutkeren, tena len kašt so bárol vadj bur.
december 2010
Administratori
Ek manuš, bi jenosko, kon andek themeski-klasaj vadj butjaki-kategorija.
Ek administratori si áver khatar o anglunimo anda peski butji ke hodj vov producálij ek žutorimo ande bajongo than. Adjés žalpe i diferencija pa e sitjimaskiforma, maškar ek administratori taj butjári si i diferencija ke hodj vov ek teoreticko gimnaziumo taj akademicko sitjimo kerdas. Kado kerel hatjárimasko zavari ke hodj o sitjimo taj e potjinimo ande kerimaski-industrija butivar maj buti sar ando administraciovoski rig sar példaul ando sastjarimaske riga, žutimaske, kinipe taj tranzporto.
Gin majbut po: http://sv.wikipedia.org/wiki/Tj%C3%A4nsteman taj po http://www.ne.se/lang/tj%C3%A4nsteman
november 2010
Šavorengogindimasko-centrali
Šavorengogindimasko-centrali vadj (SVC) si ek specialno gindimasko-centrali so kontrolálij e šavoren so rakhdjile taj dikhel vi e cigne šavoren ke hodj sari. O SVC si ek rig khatar o primarikano-gindimo taj i vizita ande šavorengedinimasko-centrali jivaj.
Gin majbut po: http://www.ne.se/lang/barnh%C3%A4lsov%C3%A5rd
oktober 2010
Insurancaki kasa
A insurancaki kasa potjinel ávri e šavorenge-love, love kodalenge kon nasválej vadj khérej nasvéle šavorenca taj vi majbut ávera. E Švédos si pe kazgodes ek socialoski-insuranca so del kazgodes ek ekonomicko sekuranca. Sa kongodi kon pheren e 16 berš ánde iskirime andi insurancaki-kasa. A Insurancaka-kasake love khatar o them aven. Apal aven e love vi khatar a butjakodinatoresko-potjinimo (love so e firmi taj ávera potjinen e themeske taj sa atunči i potjin del kodalen kon butjázin) taj vi kodala potjinimata so kongodi potjinel ando them.
Gin majut: http://www.ne.se/lang/f%C3%B6rs%C3%A4kringskassan
september 2010
Advokato
Advokato (latinicka advoca´tus. `khardo` anda o a´dvoco “te kharel”, “ánde te kharel, si juristo so butjázij te del godjaveripe taj te žutij e žénen pi krisi. O advokato si ek juristo so žutij e manušen kon pi krisij ke von hodj variso bajo kerde, taj vov del vi godjaveripe e pušimatonca pa e zákonura taj pa o čačimo. Ando Švédo numa kodo šaj phenelpe advokatoske kon ándej ande e Advokátongo-khetánekidipe. Ke hodj te aven ánde sar žéno trubuj te avel le juridicko eksaminaciovo, kodo kamel te phenelpe ke hodj kecavo sitjimo so pa e zákonuraj, taj butjázindas majbut berša sar juristo.
O advokato trubuj te avel bi-phanglimo taj andakodo vov náštig kerel butji numa ande advokatongi-ofica Len si vorbako-inkrimo, kadalesa kamel te phenelpe ke hodj von náštig vorbin ávrenca so von ande pengi butji žanen ávri. Advokátongo-khetánekidipesko inkeripe kontrolálij ke hodj e advokátura čačikánes keren butji. Kodo kon či inkrelpe denles ek sámalinimo vadj majdur náštig avel ánde ando Advokátongo-khetánekidipe.
Gin majbut po: http://www.ne.se/lang/advokat
augusti 2010
Butjakolinatori/butjári
Majbut féliticko dikhimo si pi vorba butjakolinatori ek phendimo si: ek butjári si ek manuš kon biknel butjakizor ek butjake-dinimatoreske bi kodo te avel sar administratori taj andakodo vov si ande butjárengi klasa ande. Ando marxizmuši phenen ke e intregi manuša site biknen pengi butjakizor e butjárenge, ande kado ándej vi e doktora, e inženjéra taj ávera so andi sociologijaj dikhelpe sar maškaruni-klasa.
Gin majbut po: http://sv.wikipedia.org/wiki/Arbetstagare taj po http://www.ne.se/lang/arbetstagare
mars 2010
Butjako-dinatoreske
Butjako-dinatoreske phenen kodale manušes vadj firma kas si butjára taj denle potjin. E butjárenge phenen potjinde. So a butjasaj taj vi pak bári rig i potjin phenen si maškar a butjako-dinatori taj maškar e potjindosko fako.
februari 2010
A-kasa
A a-kasaki butji si majanglunes te administrálin taj te potjinen ávri bi – a butjako potjinimo pala o zákoni so si ando bibutjako-biztošitáši, ALF (1997:238). E bibutjangekasi vezetijpe e zákonostar so si pa e bibutjakekasi, LAK (1997:239). 35 a-kasi si pe e majbutféliticka butja vadj riga so si industrijako-trajo. E a-kasi khetánej khude e fakföreningonca, de šaj aven ánde andi a-kasa bi kodo te aven ando fako. E majbut žéne so butji keren ándej ande ek a-kasa. E love aven khatar o biztošitáši so e žéne potjinen ánde andi a-kasa. E žénengi-potjinimo áveri ande sako a-kasa.
Gin majbut po NE : http://www.ne.se/lang/arbetsl%C3%B6shetsf%C3%B6rs%C3%A4kring
januari 2010
Butjakokidipe
A butjakokidipe si ek švédicko themesko raja, so si tela a Butjakomarknadoskodepartamento taj siles pharipe pa e phuterde butjakekidipe taj kadaleske butjakemarknadoskipolitikako kerdjipe. A butjakokidipe žutij te roden butji taj te lenle opre andi butji taj vi a butjake-šefos žutij te dele žénen kon šaj kerel butji lende.
Gin manbut pa a butjakokidipe po NE : http://www.ne.se/lang/arbetsf%C3%B6rmedlingen
Butjako žutori
A butjako-žutori kerel ke hodj kon rodel butji te žutijles te rakhel butji taj a butjake-dinatora rakhen kon šaj kerel lenca butji. Kade kerel ke a butjako-marknado šaj žal mišto. Kado si importanto kodaleske kon i butji rodel taj vi e firmenge de kado si vi e intregone themeske ekonomiake.
Gin maj dur pi http://www.arbetsformedlingen.se/yrken/yrkesbeskrivning.aspx?iyrkeid=10
maj 2011
Butjakikrisi
Butjakikrisi BK, specialno-krisi, kerdine 1928. Butjakikrisi administrálij vi o angluno taj o paluno instansoske xoja pa o kolektivno-phanglimo taj ávera xoja so si maškar a butjako-dinatori taj butjako-linatori.
Gin majdur po http://www.ne.se/lang/arbetsdomstolen
Uppdaterad 6 februari 2012
Ansvarig för sidan: Språkrådet
