Nevipe
Butjakokavieriba
Butjako dromeskosikjiba
Butjako khuvibako siguriba
Ka khuvelas po butjakostedi ta nína po drom aro buti vaj nikhi pa butjata hin sajpa te lel presiba kabutjako khuvibako siguriba.Dóla kones douva rálila pa siguriba hin butjakere, iegofrestikere ta sikjakunekon lena dieli ta tšérena praktika aro sikjiboskimomenti.
Butjakosankiba
Butjakosankiba hin jek tšetaniboskonav pa douva komujatšetiba kon anglavena butjakoklasi ta rálila dauva politikokanes ta fakokanes. Butkajosankiba hin avlo vágunes pálal industrielkano revolusia, so tšerdas te douva avlo aro Europa ta pálal douva bohludas dólesko khal ka industrielkaniba bohlude.
Draba butide: http://sv.wikipedia.org/wiki/Arbetarr%C3%B6relse
Butjakoterapi
Arakhiboskimetodi so hin te zutin manuša kónen hin funkciakotšinaviba
(sar eksemplura pálal stoke) te rikhavel ta lel fendide funkciakonivo aro privatnidživiba ta butjakodživiba. Arakhiba dehas pa butjakoterapi kon hin legitmen.
Draba butide apo: http://www.ne.se/kort/arbetsterapi
Butijakotingi
Butijakotingi, AD, specialnotingi,hin tšerdo 1982. Butijakotingi tenkavena sar váguno ta sisto institúsiajakokouva sar aro vaureha kolektivikano somsiba ta vaure kouva mahkar butijakodimnaskiri ta butjakeres.
Draba butide po: http://www.ne.se/lang/arbetsdomstolenButjako arkahiba
O Butjako arkahiba hin e butjakerosko juritikano arakhiba kajo sílaslágakere vaj bidochavitikane doch te phiŕes katar e butjata. Aro butjakerengo arkakhibosko tsúviba hin lága (1982:80) pa butjakoarkahiba, LAS, hin téliba pa butjakophiribata, váguno hortiba kajal nevobutjakophanliba ta butjakophiŕiba.
Draba butide http://www.ne.se/lang/anst%C3%A4llningsskydd
Sárengo hortiba
It hortiba sárenge aro Svedo te áchel avri aro natura ( ná po than ta bár so hin aro privatno iegiba) ta kokaven múri ta balanis ta vaure. Dauva hortiba rálila nína angnal svariba te ná leha semaven natura sar eksemplura te ná tsikjaven, náka leha te lel kahtja ta vaure barja so barjuvena aro natura.
Administratori
Jek komunis, bi bijata, kon rálila aro samhällsklas vaj aro butjakokatogori. Sikide barudal tšenstakiero pa butjakieresta dóleha te del tšenstiba aro pengo buti ta náka guosi.
Akadíves hin frójiba butvares pa skólibata; Butvares hin administratori staudal teoretikano gymnasiaskola ta akademikane sikjiba: Dauva dela butvares bango hajuviba dóleske ke skoliba- ta presibaski slétiba aro tšériboskoindustria hin baride ke arre aro administartorikotoriba sar eksemplura aro faliba, arakhiba,bikniba ta transporto.
Draba butide po: http://sv.wikipedia.org/wiki/Tj%C3%A4nsteman ta po http://www.ne.se/lang/tj%C3%A4nsteman
Advokat
Advokat ( latin advoca´tus, eg ” akharen”, katar a´dvoco ” akharel” te akharen jek thane”) juristo kon profesionalnes del dojiba ta hin angleskiero aro tingi.
Advokat hin jurist kon jelpila komuja kon hin dochivitiko pa phangiba ta kon del gojiba aro puchiba pa lága ta hortiba. Aro Svedo lelan feri dóla kon hin membura aro Advokatonengo tšetaniba akharel pes advokato. Te lel memburiba mote aches eksamia aro juridik, pe vaure láveha aro beri so hin pa lága ta hin tšerdal bút bereh buti sar juristo.
Advokato mote achel neutralno ta ná lela dóleske achel butiba aro vaure stedi ka advokatobiro. Lenge hin nína huckar achibosko hortiba, pe vaure láveha te jón ná lena rakhaven vaurenge pa ajasáve sáki so jón lena te džanel aro pengo buti.
Advokatengo tšetanibako hérune volila te advokate tšérila pengo buti hortas. Douva kon ná tšérila jakhes lelpes chodiba vaj ná lela te achel membura aro Advokatoengotšetaniba..
Draba butide: http://www.ne.se/lang/advokatButijako tšériboskiero/ Butjari
Hin but džinta pa pheniba butiako tšériboskiero ta jek vauro džénijiba hin: butjari hin ajasávo manuš kón biknila pesko butijakodžór butijako dimnaskiereske ta náka rikhavehas sar hougáje ta rálila dóleske khál are aro butijakoklasi. Are aro marxismo frójavehas sáre komuja kóne sílavehas te biknaven pengo butijakodžór butijako tšéribongierenge, dauva rálila are doktori, insenjore ta vaure kóne aro sociologi rikhavehas sar mahkurnoklasi.
Draba butide: http://sv.wikipedia.org/wiki/Arbetstagare ta http://www.ne.se/lang/arbetstagare
Butjako díbeneskiero
Butjako díbeneskiero hin jek manus vaj kompania kones hin personali ta kon presila lenge. Dóla kon tšérila buti arakhelas sar butjari.Baro kotoriba pa butjako áchiba ta butvares nína presiba agorilas tšetanes aro somsiba mahkar butjako díbenesko- ta presibako limnasgierengo fackjako tšetaniba.
Bibutijako-Kaśa
Bibutijako -kaśasko angluno buti hin te administrinela ta presaven bibutijakodumudíbesko louvo palal lága pa bibutijako siguriba, ALF(1997:238). Bibutijakokaśengo butija tyomavehas pa lága pa bibutijakokaśaengo , LAK (1997:239). Hin 35-kaśa pe sáre butijakodživibata. Bibutijako- Kaśa hin phanle are fackjakotšetaniba, hin vojiba te áchen membura aro bibutijako- kaśa na hyoviba te áchen aŕe aro profesijakotšetaniba(butjijako staġos). Butide dólenda kon hin aro butija hin memburuba ari bibutijako -kaśa. Louve siguribaske ávena pa presibata so memura presavena.
Draba butide po NE: http://www.ne.se/lang/arbetsl%C3%B6shetsf%C3%B6rs%C3%A4kring
Butjakoarakhibosko biro
Butjako arakhibosko biro hin svédokano phuvjako faĺiboskohougáge, kon tšérila pengo buťi télal butjakomaraknengodeparmenťos ta dóles hin angnal svariba pa ofesialno butjako arakhibosko biro ta dólesko butjako maraknengo politiko butjata. Butjako arakhibosko biro jelpila butjako ródibongiere te lachen penge buťi ta butjako díbengiere te len penge personali .
Draba butide pa butjako arakhibosko biro po NE: http://www.ne.se/lang/arbetsf%C3%B6rmedlingen
Uppdaterad 2 december 2011
Ansvarig för sidan: Språkrådet
